Ñuka llaktalla (Mi tierna comunidad), poesía

Por: Rección Malán Curichumbi
Kichwa Puruhá, Doctor en Ciencias de la Educación
Septiembre 1 de 2018

Ñuka llaktalla  sumakmi kashka
paypak chakrapash asikuk kashka,
chawpi shunkuta mayu yallikuk
hawa umata puyu llukakuk.

Ñuka ayllulla, ñuka llaktalla,
ima pachapash tantalla  kawsay
yarikay kashka, yakunay kashka
mana llakichik mana manchachik.

Ima sisapash pataklla rikuy,
ankakunapash waykaklla paway,
ima mikuypash paktaklla munay,
chashnami ishu, chashnami llakta.

Wiwankunapash waykakllatami
yaku kusupi purinakukun,
pacha mamapash amsayarishpa
hatun pilchiwan tamyata karan.

Chashnami llakta, chashnami ayllu
ima shunkutak llakta kunkasha,
ima yuyaytak karuta risha,
Kawsay wañuypash llaktallatakmi.

Deja un comentario

Este sitio usa Akismet para reducir el spam. Aprende cómo se procesan los datos de tus comentarios.

x Close

Gracias por su Me Gusta en nuestra página

A %d blogueros les gusta esto: